രാത്രി ഒരു ചിലന്തിയാണ്‌,
നിശബ്ദമായി വലനെയ്യുന്നു ഇരയെ കാത്ത്...
അരിച്ചിറങ്ങി ഭയമായി നമ്മിലേക്ക്‌ പടരുന്നു .
രാത്രി കാമാര്‍ത്തയായ ഒരു പ്രണയിനിയാണ്,
വികാരങ്ങളുടെ തിരയിളക്കത്തില്‍ തന്നെത്തന്നെ മറന്ന് വിഹരിക്കുന്നു.
രാത്രി ഒരു കാല്‍പനിക കവിതയാണ്,
നിശാഗന്ധിപോലെ നിഗൂഡമായ ഒരു സൗന്ദര്യം.
രാത്രി സാന്ത്വനമാണ്...
പകലിന്റെ തീക്ഷ്ണതയില്‍ നിന്നും രക്ഷിച്ചെടുത്ത്‌,
പകലിന്റെ തീക്ഷ്ണതയില്‍ നിന്നും രക്ഷിച്ചെടുത്ത്‌,
അദൃശ്യമായ ആയിരം കരങ്ങളാല്‍ തഴുകി പുണര്‍ന്ന് നെഞ്ചോടു ചേര്‍ക്കുന്നു.
രാത്രിക്കുമുണ്ട് ഒരു പൊയ്മുഖം,
ഒരുപാട് രഹസ്യങ്ങളെ ഉള്ളിലൊതുക്കി വികൃതമായത്...
ഒരേ സമയം സുന്ദരവും , വിരൂപവുമായ ഇരുളിന്റെ മുഖം.
രാത്രി തണുപ്പാണ്...
ആത്മാവിലേക്കൊഴുകി പരക്കുന്ന കുളിര്,
മരണത്തിന്റെ മരവിപ്പിക്കുന്ന തണവ്.
-----------------------------------------------------------------------
ചിത്രത്തിന് കടപ്പാട് : aadezyn.com
